Ilang aspirante sa Camarines Sur, maagang naghain ng COC

NAGA CITY- Umarangkada na kahapon Oktubre 1 ng unang araw ng filing ng Certificate of Candidacy (COC) para sa Halalan 2025.

Ang ilang political aspirants maagang tumungo sa tanggapan ng COMELEC sa Pili, Camarines Sur. Alas-otso ng umaga pinaka una sa kanila ang re-eleksyonistang si 4^th District Board Member Awel Llaguno.

Maaga rin si 2^nd District Board Member Molo Hernandez kasama ang aspirante muli na si PCL President Libmanan Councilor Boboy Nopra. Tumungo rin si incumbent 3^rd District Board Member Vanessa Señar at 5^th District BM Dona Oñate . Inihain ng legal team ni 2^nd termer 4^th District Congressman Arnie Fuentebella ang COC sa COMELEC Provincial Office.

Ayon sa broadcaster- Board Member Pol Manaog, maaga rin siya dahil kung may problema pa sa dokumento maayos pa bago magtapos ang COC filing.

Pagbibigay diin ni COMELEC Officer Atty. Noriel Badiola , magiging opisyal na kandidato sila sa campaign period, daraan pa sa proseso ang dokumento.

Isasapubliko ng tanggapan ang mga magiging kandidato sa  Eleksyon 2025.

BNFM Naga