Arestado ang isa pang Pilipino kaugnay ng kaso ng mag-asawang natagpuan wala ng buhay sa Tokyo Japan.
Kinumpirma ng Department of Foreign Affairs na hinuli ng Japanese Police ang isang lalaking Pilipino na nakita umano malapit sa bahay ng pinaslang na mag-asawa.
Nauna ng inaresto ang Pinay na si Hazel Ann Morales dahil sa pag-abandona sa bangkay ng mag-asawang Hapones.
Sinasabing kasintahan ng anak ng mga biktima si Morales at nakita umano siya sa bahay ng biktima na may tinatapong duguang gamit.
Pero nilinaw ni Department of Foreign Affairs hindi pa inaakusahan ang mga ito sa pagpatay kundi sa reklamong abandonment pa lamang.
Patuloy pa ang pangangalap ng impormasyon ng DFA sa katauhan ng ikalawang Pinoy na suspek.
