LAUMAN sa mga katawhan sa Gensan ang pagpadayon sa mga nasugdan ug kinahanglan nga i-follow up nga mga ordinansa sa iyang pagbalik sa konseho pagkahuman nga siya ang gibalik pagpili sa bag-ohay lang nahuman nga bugnong lugaynon.
Kini ang giluwatan ni Councilor elect Beth Bayroy Bagonoc ug dungan sa pagkanayon nga gamiton niini ang iyang oversight function aron nga mapahimuslan sa mga taga-Gensan kadtong mga ordinansa nga wala pa nahingpit ang pag-implementar.
Usa sa mga giluwatan niini ang Environment Code nga iyang napanday una pa siya mi-gradwar sa pagka-konsehal kaniadtong 2019.
Dugang pa ni Bagonoc nga lakip usab sa iyang hatagan og pagtagad ang centenarian ordinance nga siya ang author tungod sa dunay hangyo ang mga edaran nga paubsan ang edad nga gikan sa 100 nga pagahimuon sa 80-anyos aron nga mapahimuslan sa mga edaran.
