Umarangkada na ang ikalawang bilateral exercise sa Central Mindanao Region sa pagitan ng Philippines at United States Marines.
Bahagi ito ng Archipelagic Coastal Defense Continuum o ACDC 24.3.
Ayon kay 1st Marine Brigade Commander, Brigadier General Eric Macaambac, tampok sa ACDC 24.3 ang serye ng Subject Matter Exchange Exercises (SMEE) at Combined Field Training Exercises (FTX) na magbibigay pokus sa Close Quarter Combat, Precision Firing, at Jungle Operations kabilang ang Jungle Exercise Survival Training (JEST) at Final Exercise.
Kalahok sa nasabing pagsasanay na magtatagal hanggang sa May 29 ang mga miyembro ng Philippine Marine Corps, 1st Battalion, 7th Marine Regiment Unit, 1MEF ng United States Marine Corps, 64th Division Reconnaissance Company ng Philippine Army, at ang Regional Mobile Force Battalion-14 ng Philippine National Police.
Sinabi ni Macaambac, magsisilbing plataporma ang pagsasanay upang mapalakas pa ang interoperability at matagal nang ugnayan sa pagitan ng dalawang hukbo alinsunod sa Comprehensive Archipelagic Defense Concept (CADC).