NALIPAY sa State of the Nation Address sa pangulo ang pipila nga nahinabi sa 89.5 Brigada News FM Gensan Hulyo 26 sa kasamtangan nga tuig.
Sumala sa usa ka retiradong post master sa Gensan nga si Felipe Collamar gikan sa Barangay Fatima nga maayo ang pagdumala ni Pangulong Rodrigo Duterte sa nasud Pilipinas, gumikan aduna kini political will ug daghan ang nahimong proyekto alang sa katawhan.
Samtang excellent ang gihatag nga grado ni Kapitan Jeoffrey Salanio sa SONA sa Pangulo.
Sumala kay Salanio taas gihapon ang rating sa Pangulo bisan kon anaa na sa ulahing bahin sa termino.
Gidugang ni Salanio nga nabulahan gayod ang kapulisan sa panahon ni Duterte apan aduna usab siyay wala nadungog, sama sa usbaw sa suhulan sa mga magtutudlo, wala usab daw niini nadungog ang Magna Carta for Barangay ug ang anunsyo nga armasan ang mga opisyal sa barangay. ( Ever Diazon)
