NASURPRISA ang provincial tourism office sa Sarangani sa taas nga ihap sa ‘overnight’ visitors sa unang quarter karong tuiga. Matud ni April Majorie Rudes, provincial tourism officer, sa dugay’ng panahon ang GenSan ang nakatala og labing daghang overnight visitors.
Gumikan naa sa siyudad ang mga hotels ug red doors asa sagad temporaryong ginasak-an sa mga bisita. Apan sa labing ulahing datus gikan sa Department of Tourism (DOT-12) naa sa 134,311 ang overnight visitors sa Sarangani. Tandi sa GenSan nga naa lang sa 72,726 sa tibuok Soccsksargen ang probinsiya ang nakatala og labing taas nga overnight visitors.
Dugang ni Rudes sa pagsaka sa tourist arrival nila partikular sa same-day nga naa sa 536,783 nakita nga buot nang mogawas sa mga tao. Sa datus sa Glan, naa sa 50,000- 60,000 ka domestic tourist ang midayo sa beach resorts matag bulan. Human sa pag-igo sa pandemya labi na ang atong 2020 tunga sa mga lockdowns. Sagad midayo sa probinsiya ang gikan sa Bangsamoro Autonomous Region in Muslim Mindanao (BARMM), Sultan Kudarat ug kasigbit nga mga rehiyon.
Naglaom si Rudes human sa rehabilitasyon ug expantion sa GenSan airport, mahitabo na ang nga mahimo kining alternate gateways alang sa returning Overseas Filipino Workers (OFWs) ug international travelers. I Richel Gubalani
