MISAKA na sa 20 ang ihap sa mga namatay gumikan sa dengue sa Soccsksargen region karong tuiga.
Base sa datos sa Department of Health o DOH Region 12 gikan niadtong bulan sa Enero 1 hangtud Hunyo 11 pito ang natalang namatay sa General Santos City, pito sa North Cotabato, 3 sa South Cotabato, 2 sa Sultan Kudarat ug usa sa Sarangani Province.
Sumala sa Regional Epidemiology and Surveillance Unit o RESU sa DOH 12 na ang mga namatay nag-edad 2-anyos hangtud 57 anyos.
Walo sa dinhi ang 10-anyos paubos.
Apan mas ubos matud pa ang ihap sa dengue cases karong tuiga nga adunay 2,396 kung itandi sa 2,585 nakalabayng tuig 2021.
Gi-awhag usab sa health authorities ang publiko nga gilayung magpa-check up sa mga health centers oras nga makasinati og mga sintomas sa dengue.
Kanunayon usab ang paglimpyo sa palibot aron malikayan nga makapangitlog ang lamok nga mag dala ug sakit nga dengue. I MJ Fernandez
