LUYO sa kanunay nga pahimangno sa nagkadaiyang ahensiya sa mas luwas nga pagsaulog sa kapaskohan ug pagsugat sa bag-ong tuig, duna gihapon natala nga nabiktima sa pabuto.
Sa datus sa Department of Health (DOH)-12 gikan Desyembre 21,2023 hangtud Enero 6,2024 misaka na sa 88 ang fireworks- related injuries taas kini og 126% tandi sa 39 injuries sa susamang panahon nakalabay nga tuig.
Samtang, walay natala ang kapulisan ug DOH sa rehiyon nga naigo og saag nga bala o ‘stray bullet’. Sa pamahayag ni Jenny Ventura, Iwas paputok campaign focal person sa DOH-12 ang ‘behavior’ na sa tao ang nakita nilang rason sa padayong pagkatala sa kaso luyo sa ilang kanunay nga pahimangno.
Apan sagad sa mga samaron nga nadala sa ospital ang gilayon nga gi-discharge. Padayon ang pahimangno sa doh sa publiko nga magpabiling luwas atol sa pagsaulog sa holiday season. I Richel Gubalani
