Ihap sa crime volume sa rehiyon-12, miubos- PNP

MIKONHUD og 34.24% ang volume sa krimen nga natala sa rehiyon-12, base sa datus sa Police Regional Office (PRO) 12.

Sa datus sa PRO-12 miubos og 689 ang ihap sa krimen karong tuiga naa nakatala og 1,323 gikan Marso 20- Mayo 31,2024.

Tandi sa susamang panahon atong nakalabay’ng tuig nga nakatala ang rehiyon og 2,012 crime volume. Sagad sa miubos ang ihap mao ang mga seryosong krimen sama sa pagpatay, pagpanglugos, kawat, tulis, physical injury ug motornapping.

Matud ni Police Major Risa Hernaez, spokesperson sa PRO-12 nahimong epektibo ang pagbutang nila og presensiya sa pulis sa mga kadalanan. Lakip ang pagsunod nila sa ‘clocking’ o oras nga sagad mahitabo ang krimen.

Gidungagan usab og personahe gikan sa regional headquarters ang Calumpang Police Station, asa nakatala og tulo ka insidente sa pagpatay nga sagad biktima mao ang babaye. I Richel Gubalani

Leave a Reply

Your email address will not be published. Required fields are marked *