GIHATAG na sa labaw sa kapulisan sa rehiyon-12 sa mga police director ang katungod sa pagpatuman og rigodon sa mga sakop.
Matud ni Police Major Risa Hernaez, spokesperson sa Police Regional Office (PRO) 12 nasayod si Brig. Gen. Percival Augustus Placer, director sa PRO-12 sa gihimong lakang sa mga labaw sa police offices.
Dugang ni Hernaez, una nang gibutyag ni Placer nga dili siya mag-micro manager ug ang desisyon ginahatag niya sa mga labaw sa police offices kalabut sa ilang mga personahe.
Nagpatuman og halapad sa rigodon sa mga hepe sa matag presinto ang Sarangani Provincial Police Office (SPPO) atong Abril.
Samtang nakalabay’ng semana, walo ka hepe sa presinto ang gi-reshuffle ni Police Col. Nicomedes Olaivar Jr., director sa GenSan City Police Office (GSCPO) tunga sa mga insidente sa pagpamusil nga natala sa siyudad. I Richel Gubalani
–
