Ginpasiguro makarun ni Kalibo Mayor-elect Juris Sucro nga pagatumanon nana ro anang mga promisa sa mga Kalibonhon katong tiempo it anang pagpangampanya.
Sa naging mensahe ni Sucro sa pinakaunang flag ceremony it LGU Kalibo makarung adlaw bilang bag-ong alkalde it Kalibo, ginpaabot kara sa mga empleyado nga igapadayun nana ro mga mayad nga naumpisahan it nagtaliwan nga administrasyon sa nagtaliwan nga 12 anyos.
Ginakonsidera man ni Mayor Sucro nga blessing ag curse ro anang pagdaog bilang alkalde.
Suno kana, blessing bangud nagdaog imaw ag makabig man nga curse bangud sa mga problemang pagaatubangon nana, pero bangud segun sa bulig it mga municipal elected officials hay tanan magiging posible basta nagabueoligan.
Umapela man imaw sa mga empleyado nga ubrahon eang it mayad ro andang trabaho para padayun ro pag-umwad it banwang Kalibo. / ANN DESLENE SALAZAR
