Mabilis na nilamon ng apoy ang isang ice plant sa Barangay Matahimik, Puerto Princesa City ngayong Lunes, May 16, 2022.
Ayon kay SFO1 Mark Llacuna ng City Fire Department, pasado alas-singko kaninang madaling araw nagsimula ang sunog sa kisame ng Orodemar Marine Products Ice plant.
Ang gusali ay pagmamay-ari ng City government na nirerentahan lamang ng negosyanteng pamilyang Timon.
Maaring kuryente ang dahilan ng sunog na kinokonsiderang aksidente at malayong mangyari na sinadya ito.
Alas-syete ngayong umaga ay nakontrol ito ng mga bumbero at walang naiulat na nasaktan.
Samantala, tinatayang 15M ang pinsala ng sunog, ayon sa may-ari ng planta.
