GIKASUBO ug unfortunate matud pa nga taga gawas sa City Social Welfare and Development Office kun CSWDO ang napili nga hulip sa posisyon nga gibakante ni Rebecca Magante.
Kini ang gibutyag ni Atty.Franklin Gacal Jr. nga gilauman niining maapektohan unya ang mga empleyado sa maong buhatan tungod sa maong development.
Aminado ang konsehal nga may appointing power ang mayor apan unta gitan-aw ang kinatibuk-ang sitwasyon sa pagtuboy sa ihulip nga opisyal.
Angayan usab daw nga gikonsidera ang epekto ngadto sa mga empleyado sa maong buhatan ug unta, organic ug dili outsider ang gikuha.
Usa sa naglaom nga mabutang isip labaw sa CSWDO mao si Myrna Salazar nga nagsilbi na sa maong buhatan sulod sa 35, apan wala napili.
Una na usab gibutyag sa labaw sa Human Resource Management and Development Office sa LGU-GenSan nga si Lea Tolimao nga wala daw mag qualify gikan sa sulod sa CSWDO kay wala ma-andam ang ilang career path. Wala usab daw nag-apply gikan sa sulod sa opisina, dili usab daw mahimo nga ang division head modiretso dayun sa pagka-department head.
