Sa kabila ng order ni Pangulong Rodrigo Duterte na ipahinto na ang lahat ng operasyon ng online sabong, nadiskubre pa ng Department of Interior and Local Government na mayroon pa ring mga bumuo ng iligal na websites para maka-talpak.
Ayon kay Interior Undersecretary Jonathan Malaya, na-monitor nila na mayroong pitong bagong e-sabong betting sites matapos ang closure order sa mga ito.
Aniya, ngayong ipinasara na ang mga opisyal na e-sabong operators na aprubado ng PAGCOR, nagsi-sulputan naman ang mga bumuo ng illegal websites para rito.
Sa ngayon, tukoy na umano nila ang pitong websites na ito at inatasan na ang Anti-Cybercrime division ng PNP para imbestigahan at tugisin ang mga nasa likod nito.
#
