Pasakahan sa kasong paglapas sa RA 9165 o Compressive Dangerous Drugs Act of 2002 ang usa ka staff sa usa ka konsehal sa Cagayan de Oro nga gikonsiderang high valued individual tungod sa pagkalambigit sa gidiling druga.
Sumala sa imbestigasyon ni Police Major mario Mantala Jr. hepe sa Carmen Police Station 4, gi-ila ang dinakpan nga si Revel Motol Guangco aka “VEL” 50 years old, married, a resident of Julio Pacana, st, brgy Macabalan,ug usa matud pa ka empleyado sa City Hall (City Councilor Staff).
Matud ni PMajor Mantala nga positibong napalitan ang suspect sa sakop sa kapulisan Sabado sa gabie ang diha sa Julio Pacana St. Barangay Macbalan nga gamit ang 500 pesos nga drug buy bust money bugti sa usa ka paketeng gituhuang shabu ug nakuha sab sa iyang posesyon ang lain usa pa ka paketeng gidiling druga nga gibana banang mutimbang sa 3 grams ug adunay standard drug price nga 24,000 pesos.
Kasamtangan detenado ang suspect sa Carmen Police station detention cell ug takda karong adlawa isang-at ang tukmang kaso.
Subay niini, gikondena ni City Councilor James Judith ang pagkasikop sa iyang staff.
Gitugyan na sab niini sa balaod ang gidangatan sa iyahang sakop ug siya mismo ang modala sa iyang staff sa Lumbia City jail.
Pasabot niini nga wala kini mikonsenti sa pagbuhat sa dautang binuhatan ilabi na ang pakiglambigit sa illegal nga droga.
Gisayangan lang matud pa ni Guangco ang iyang pagpaningkamot ilabi na nga mayo kini mutrabaho.
