Pormal na nga ginlunsar sang Department of Health Western Visayas ang Human Papillomavirus vaccine sa probinsya sang Capiz.
Sa interview sang Brigada News FM Roxas City kay Dr. Jose Martin Atienza, Medical Officer III sang DOH Western Visayas, iya ginpahayag nga sang tuig 2013, nagrelease sang memorandum ang DOH sa diin nakasaad diri nga magapanghatag sang HPV vaccine sa mga eskwelahan sa tatlo ka region apang wala diri malakip ang region 6.
Sang 2015, liwat nga nagpaguwa sang memo ang nasambit nga ahensya kag napilian na ang western visayas kag target nga pagahatagan sang bakuna amo ang duha ka probinsya ini ang Iloilo kag Negros Occidental.
Matapos ang duha ka tuig nga pagkaatrasar bangud sa Covid-19 pandemic subong naman liwat nagroll-out ang HPV vaccine.
Nagpahanumdom naman si Atienza sa mga ginikanan nga pabakunahan sang HPV ang ila mga kabataan nga naga-edad sang 9 tubtob 14 katuig agud mahatagan sang dugang nga proteksyon sa Human Papillomavirus kag Cervical cancer. | Judy Ann Juare
