GIKUMPERMA sa labaw sa Human Resource nga abli na ang position sa department head sa City Social Welfare and Development Office human nga wala na-affirm sa Sanggunian ang appointment sa miaging semana.
Sa kumpermasyon ni Leah Tolimao sumala niini nga naka-posting na sila, nakapaskil na sa bulletin board ang vVacancy aron adunay mag-apply sa position, alang sa tanang interisado mamahimo na nga maka-submit sa ilang papelis sa opisina sa HRMDO nga nahimutang sa ikaduhang andana sa City hall.
Samtang ginalauman na nga ma-reappoint si Genelene Vidanes isip department head 2 gumikan mao kini ang kamandoan sa mayor.
Gidugang ni Tolimao nga kon may mag-apply nga taga CSWD ilaha daw tan-awon kon mag-qualify gumikan bag-o lang daw na-promote ang ilang assistant Department Head nga si Edelina Salazar.
Ang tanang mo-apply moagi sa Personnel Selection Board ayha maduso sa opisina sa mayor ang papelis sa mga makapasar sa pagsusi sa board, ang mayor na ang magpili sa iyaha unya nga makasaligan sa position.
Kahibaluan nga nahimo nga kontrobersiya ang mao nga posisyon human nga nagprotesta si Salazar dalang ang tingog sumala pa sa iyang mga sakop kay gusto nila nga magikan lang sa sulod ang sunod nga i-appoint sa Mayor aron hapsay alang ang ilang trabaho. I Ver Diazon
