Gikumperma sa labaw sa Human Resource Management and Development Office kon HRMDO sa Local Government Unit sa General Santos City nga subling na appoint sa mayor si Genelene G. Vidanes isip City Government Department Head 11.
Subay sa gisapubliko nga impormasyon gikan sa HRMDO sa talaan sa mga bag-ong na appoint anaa sa pinaka una ang pangalan ni Genelene Vidanes.
Sa paghinabi sa Brigada Gensan kay Leah Tolimao gikumperma niini nga husto ang nasapubliko nga impormasyon kalabot sa bag-ong mga na appoint og lakip si Vidanes.
Gidugang ni Tolimao nga duha lang ang nag apply sa pagka labaw sa City Social Welfare and Development Office kon CSWDO.
Tungod niini Cuncurrence nalang ang kulang ni Vidanes gikan sa Sangguniang panlungsod aron nga hingpit nga maka pungko isip labaw sa CSWDO Gensan.
Sumala kay Tolimao nga mag dependi unya sa konseho ang kapalaran ni Vidanes sa Cuncurrence kay sa ilang bahin natapos na ang ilang trabaho sa Personnel Selection Board.
Ang hangyo lang ni Tolimao sa taga CSWDO nga kon hingpit nga maka pungko si Vidanes dawaton lang nila kay sila nga mga naga trabaho sa LGU Gensan dapat abli sa unsa man nga kabag-uhon pinasikad sa gahum sa mga anaa sa position,dili lang unta daw mawad-an og kadasig ang taga CSWDO sa ilang trabaho.
Gidugang ni Tolimao nga siya usab kaniadto gikan sa gawas apan naadto sa Goberno nahatagan og higayon,bisan daw ang nag retiro na sa kanhi CSWDO Head gikan usab sa gawas kaniadto apan kay naga dependi sa mga elected Officials ang appointment wala silay mahimo niini kondili ang mag peform sa tahas.
Kahibaluan nga una nga gi appoint si Vidanes apan gibasura sa konseho og karon na usab ang round 2 alang sa concurrence.
Gikumperma usab sa Secretary sa Sangguniang Panlungsod nga si Atty Rosendo Roque nga wala pa niabot sa ilang opisina ang endorsement gikan sa opisina sa mayor kay kinahanglan pito ka adlaw human na appoint mahatag na sa konseho ang endorsement sa Mayor. | Ever Diazon
