NADAWAT na sa mga magtutudlo nga nangalagad isip miyembro sa Electoral Boards (EB’s) atong barangay ug sangguniang kabataan election (BSKE) ang ilang honoraria ug allowances gikan sa Commission on Elections (COMELEC).
Gitunol na ang honoraria sa mga magtutudlo atong sabado sa usa ka mall sa gensan, unang gihatag ang P5,500 alang sa mga support staff ug sa mga special electoral board nga nadestino sa BJMP facility. Sunod ang P9,000 alang sa mga electoral board members ug sa mga department of education (DepEd) supervisors officials ug ang P10,000 alang sa mga chairman.
Nagpasalamat si Roger Agor, magtutudlo sa Labangal National High School sa honoraria nga nadawat luyo sa kaltas nga buhis. Matud ni Atty. Michael Abas, regional director sa Comelec-12 naa sa 24,000 ka magtutudlo ang nangalad atong eleksyon.
Asa naa sa 90 porsyento sa maong ihap ang nakabayaran na ilang serbisyo, nagsugod ang pagpang-apud-apud sa honoraria duha kaadlaw human ang eleksyon. Ilawom sa election service reform act, ang EB honoraria ug allowances ang angayang matunol 15 kaadlaw gikan sa adlaw sa eleksyon. Alang sa 2023 BSKE, ang eb chairperson, members, ug Department of Education Supervisor Official (DESO) ang gitunolan og P10,000, P9,000, ug P8,000. I Richel Gubalani
