Gin atendiran it mga hog raisers sa Aklan ru unang forum angot sa sobrang pagnaba it presyo sa pag pamakae it buhi nga baboy.
Gin pangunahan ru pakikipag pueong ni Mr. Jun Agrabante ag iba pang mga individual para maipaabot sa mga negosyante ru sentimiento it mga hog raisers.
Makabig sigun nga sobrang pagpigos sa mga naga-alaga it baboy kapin pa sa makaron nga tumaas ru presyo’t mga feeds.
Nagkaeasugot ru tanan nga nag-atender nga sa pakikipag poueong nga indi ibaligya ru buhi nga baboy kun manaba sa P150 kada kilo.
Ingkasong ibaligya sigun sa manaba nga presyo hay lugi gid nga mayad ru mga naga alaga nga gusto man maka bawi it capital sa nagastos sa pag-alaga it baboy.//MARIVIC Y. ILIN
