Muling dumami ang mga naitatalang volcanic quakes sa palibot ng Bulkang Bulusan sa Sorsogon.
Sa latest monitoring ng PHIVOLCS, na-monitor ang 178 na volcanic earthquakes sa nakalipas na bente-kuwatro oras.
Higit itong mas marami sa 149 quakes na naitala kamakalawa.
Maliban pa rito, aabot din sa higit 600 tonelada ng sulfur dioxide ang ibinuga ng Bulkan.
Sa kasalukuyan, nananatili pa rin sa Alert Level 1 ang status ng Bulkang Bulusan.
Muli ring ipinaalala sa publiko na mahigpit na ipinagbabawal ang pagtuntong ng tao sa loob ng 4-kilometer-radius permanent danger zone.
#
