Batangas -Bumibilang na sa apat na daan at anim ang mga tinamaan ng delta variant sa Calabarzon region ayon sa Department of Health region 4A base sa kanilang pinakahuling tala nitong atrese ng Setyembre.
Base sa datus, naitala sa Laguna ang 112 na tinamaan ng Delta variant.
Sumunod ang Cavite na may 99, Rizal 83, Batangas 65 at Quezon 33.
Kaugnay nito, sa mga tinamaan, ang mga fully vaccinated kontra Covid-19 ay bumibilang sa 34 habang ang 30 ay nabakunahan ng unang dose pa lamang.
Kabilang din sa mga tinamaan ng delta variant ang 72 pasyente na hindi pa nababakuna habang nasa 33 ang hindi naman maaaring mabakunahan.
Sa kasalukuyan nasa 237 na pasyente pa ang inaalam ang estado ng kanilang bakuna.
