Nagtulong-tulong sa ginawang joint rescue operation ang 1st Provincial Mobile Force Company, lokal na pamahalaan ng Candelaria at Bureau of Fire Protection sa mahigit dalawampu katao sa ilog sa Sitio Lalol, Barangay Taposo, Candelaria, Zambales.
Ito’y matapos ma-stranded ang mga ito dahil sa pagbaha dulot ng malakas na ulan nakaraang linggo ng hapon.
Ayon kay 1st PMFC Chief Admin PCO at RCSP Team Leader PLT Jesus Rendon, nanggaling sa iba’t ibang bayan sa lalawigan ang mga ito.
Mainit at maganda naman umano ang panahoon noong umaga pero biglang umulan ng hapon na dahilan para bumaha.
Samantala, maging si Candelaria Mayor Byron Jones Edquilang at Vice Mayor Gilbert Hermoso ay tumulong rin umano sa rescue operation.//Russell Banawa-BNFM IBA
PHOTO: Zambales FirstPMFC
