Sumipa sa 146 ang bilang ng mga nahuli ng Metropolitan Manila Development Authority (MMDA) sa paglabag sa EDSA Busway.
Ayon kay MMDA Task Force Special Operations Head Bong Nebrija, magiging mas mahigpit pa silang ipabatid sa mga motorista ang pagpapatupad ng nasabing polisiya.
Bukod dito, layon ng batas na maging ligtas ang paggamit ng EDSA at maiwasan ang aksidente dahil sa pagsalungat sa umiiral na patakaran sa nasabing daan.
Nagbabala rin ang MMDA na sa susunod na linggo ay mas malaking multa ang kakaharapin ng motorista na ilegal na dumadaan sa EDSA bus lane.
