Tinitingnan ngayon ni City Councilor Nesario Awat na maipanukala o maikonsidera na gawing city road ang National highway mula sa Honday Bay sa Bgy. Sta. Lourdes at Highway sa Bgy. Irawan patungo sa City proper.
Ito ang nakikitang ideya ngayon ng bagong chairman ng committee on transportation upang makabalik sa highway ang mga tricycle na may franchise sa Puerto Princesa.
Pero ayon sa lokal na mambabatas ay kinakailangan na makuha rin ang damdamin ng ibang sector na may kinalaman dito at bago ito maipanukala sa kongreso.
Samantala, isang ‘challenge’ umano sa mambabatas ang paghawak sa committee on transportarion pero gagawin raw niya ang makakaya upang mapabuti ang sektor ng transportasyon sa lungsod.
