Napiangan na usab ang teroristang New People’s Army kon NPA human napatay sa military operation ang Communist Party of the Philippines Central Committee member niadtong Pasko(December 25, 2021) sa Davao de Oro.
Subay sa pahayag 10th Infantry (Agila) Division giila ang napatay nga si Anna Sandra Reyes alias Kaye, nagsilbing Secretary saRegional White Area Committee 8 ubos sa Southern Mindanao Regional Committee (SMRC).
Una niini gikaengkwentro sa mga sakop sa 5th Scout Ranger Company, 2nd Scout Ranger Battalion ug 1001st Infantry Brigade ang elemento sa SMRC.
Narekober usab sa militar ang nagkadaiyang kagamitang panggubat nga gilangkuban sa M653 nakakabit ang M203 grenade launcher; SAR Galil Rifle; magazine (long) sa M653; 14 rounds sa Ctg Cal 5.56mm ammo; magazine (long); 14 rounds ammo sa SAR Galil; cartridge sa Cal 40mm HE; tulo ka NOKIA 2G Phones dunay unom ka sim cards; mga medical paraphernalia ug mga tambal.
Gisiguro ni MGen Ernesto C. Torres Jr, 10th Infantry Division Commander nga magpadayon ang ilang hut-ong sa pagsiguro sa kaluwasan sa komunidad batok sa mga nahibiling sakop sa SMRC sa Southern Mindanao.
Pabilin gihapong nakaalekto ang tropa sa posibleng himoong pagpangatake sa mga rebelde dungan sa 53rd Founding Anniversary of the Communist Party of the Philippines. BNFM-DAVAO
