Masobra 1,500 ka mga Barangay Nutrition Scholars (BNS) ag Barangay Health Workers (BHWs) sa probinsiya it Antique ro nakabaton it -P12,000 cash incentive halin sa gobyerno probinsiyal.
Nagtaeana ro kapitolyo it budget nga P19 milyon para sa nasambitan nga dag-onan nga incentive.
Raya hay pagpakita it suporta it gobyerno probinsiyal sa mga indibidwal nga boluntaryo nga nagaserbe bilang mga frontliner sa pakikipagsukoe sa COVID-19 infection.
Ro BNS program hay sambilog ka human resource development strategy it Philippine Plan of Action for Nutrition.
Sa pihak nga bahin, ro BHW hay ro mga indibidwal nga nagpa-idaeom sa mga pagsasanay sa idaeom it accredited government ag non-government organization ag boluntaryo nga nagatao it mga serbisyo sa ikaayong eawas.
Masadya man nga ginbaton it mga BNS ag BHWs ro cash incentive ku December 24./JIL B. LACSON
