Gikustudiya una karon sa 1003rd Infantry Brigade Philippine Army ang high ranking official sa rebeldeng New People’s Army kon NPA nag unang nisurender sa niaging adlaw.
Kini human giindorso na sa National Bureau of Investigation Tagum District Office (NBI-TAGDO) si Ka Riya, 28 anyos aron masiguro ang seguridad sa kinabuhi sa nahisgutan ilabi na nga duna kini gamayang anak.
Kahinumduman nga nitahan si Ka Riya sa niaging Mayo 18, 2021 didto sa Poblacion Monkayo, Davao de Oro human sa halos dekada nga pakigbisog sa gobyerno ug paglusad og extoirtion activities sa Davao City, Region XI ug sa may bahin sa Kidapawan City.
Usa siya ka Liaison Officer sa Sub Regional Urban Committee 4 ug officer sa Regional Instructors Bureau Committee (SMRC), kanhi estudyante sa University of South Eastern Philippines Tagum City Campus, kanhi membro sa Gabriela ug nahimong iskolar sa Kabataan Partylist ayha nahimong full pledge NPA member.
Ang ginikanan ug kaipon sa NPA Leader ang mga kanhi usab NPA member. Nakadesisyon nga mobalik sa sabakan sa balaud ang nasagpit gumikan sa kabalaka sa seguridad sa iyang kaugalingon ilabi na sa kaugmaon sa iyang anak.BNFM-DAVAO
