Sinibak sa pwesto ang hepe ng Angeles City Police dahil sa umano’y pagkakasangkot ng kanyang mga tauhan sa iligal na pag-aresto at pangingikil.
Ayon kay PNP public information officer Chief P/BGen. Redrico Maranan, sinibak sa kaniyang posisyon si Angeles City Director P/Col. Juritz Rara at kasalukuyang iniimbestigahan, base sa utos ni PNP Chief Benjamin Acorda Jr.
Pinalitan si Rara ni Police Colonel Deonido Maniago Jr.
Noong nakaraang Biyernes naaresto sa operasyon ng PNP Integrity Monitoring and Enforcement Group o IMEG ang pitong pulis ng Angeles City Police matapos umanong masangkot sa hulidap.
Ayon kay Maranan, mangyayari rin sa ibang opisyal ang nangyari kay Col. Rara kapag nakita s amga inspeksyon s amga custodial facility na may nakakulong na wala namang kasong isinasampa.//CA
