Nakahunong karon sa karsel sang Roxas City PNP ang 21-anyos nga helper sang prutasan matapos ginkasahan sang drug buy bust operation sabado sang hapon, sa Barangay Punta Tabuc, Roxas City.
Ginkilala ang akusado kag subject sang operasyon kay John Paul Arlante, residente sang Barangay IX, sining siyudad.
Nakuha sa paghinakop ni Arlante ang 6 tanan ka sachets sang ginapatihan shabu kag nagabug-at sang 15 gramos nga may Standard Drug Price nga P136,000; P1,400; 1 blue pouch, kag P3,400 nga buy bust money.
Natigayon nga madakpan ang akusado pinaagi sa gintingub nga pwersa sang Capiz PPDEU, Capiz PPO, kag PDEA Region 6.
Magapangatubang sang kaso nga paglapas sa RA 9165 ukon ‘Comprehensive Dangerous Drugs Act of 2022’ si Arlante.
