MIAPELA ang health workers sa Sarangani sa publiko nga magpabakuna na batok Covid-19.
Kini dungan sa nagpadayong massive vaccination batok sa virus sa probinsiya tumong makabakunahan ang populasyon sa lugar.
Matud ni Maria Razel Bustria, Provincial immunization coordinator gipakusgan na usab nila ang pagbakuna sa bata edad 5-11 anyos.
Luyo sa taas nga vaccination turnout alang sa age group, giadtoan na sa ilang mga sakop ang kabukiran aron mabakunahan ang mga bata ug mga edaran nga wala pa nabakunahan.
Tumong makab-ot ang herd immunity o mabakunahan ang kinatibuk-ang populasyon batok sa makamatay nga sakit.
Sa ulahing datus sa Department of Health (DOH) 12 Center for Health Development gikan sa 477,871-target population naa pa lang sa 231,664 ang fully vaccinated na sa probinsiya. Sa datus, migula nga naa sa 215,848 o 45.17% sa populasyon ang pabiling unvaccinated.
Una nang, giangkon ni Dr. Arvin Alejandro, Provincial Health Officer nakalabay’ng tuig atol sa press conference kauban ang DOH-12. Usa sa rason mao ang pagbalibad sa pipila gumikan sa ilang religoue belief, hinungdan sa pakig-alayon na nila sa religious ug tribal leader. I Richel Gubalani
