Makabulig pahagan-hagan kang kabudlay ang ginpanagtag nga Assistance to Individuals in Crisis Situation (AICS) sa haros 600 ka mga benepisyaryo nga ginabug-osan kang balor P3,000,000 sa bahin kang Brgy.2 San Jose de Buenavista kadya nga adlaw kang Miyerkules, Agosto 7.
Dya ang natigayon pinaagi sa inisyatibo ni Cong. Antonio ‘AA’ Legarda kag Sen. Loren Legarda kun sa diin natugroan kang ayuda ang mga benepisyaryo nga naghalin sa 40 tanan ka mga nagkalain-lain nga kabaranggayan sa banwa kang San Jose.
Presente sa kahiwatan sanday Dr.Mayella Ladislao Plameras, SB Attorney Paul Joseph N. Untaran, DSWD Regional Staff,MSWDO Staff kang San Jose, Punong Brgy. Nestor Angel Salazar IV kag partikularmente ang mga benepisyaryo nga ginkalipay kag ginpasalamatan gid ang nasambitan nga bulig.
