Muling lumagda si NBA star James Harden sa two-year, $68.6 million deal para manatili sa Philadelphia 76ers.
Ang naturang development ay halos isang buwan, matapos tanggihan ng 2018 NBA Most Valuable Player ang kanyang $47.4 million player option para sa papasok na season, para mapalakas ng 76ers ang kanilang roster.
Sinasabing gagawa si Harden ng $33 million sa 2022-23 season sa naturang kasunduan, na kinabibilangan ng $35.6 million player option para sa 2023-24.
Si Harden, na 10-time All-Star, ay napunta sa Philadelphia mula sa Brooklyn sa pamamagitan ng isang trade noong nakaraang season sa blockbuster deal na nagdala kay Ben Simmons sa Nets.
Ito ay may average na 21 points, 10.5 assists at 7.1 rebounds sa 21 regular-season games sa Philadelphia.
