NAGLAOM ang mga gagmay’ng mananagat sa GenSan nga mahatagan sila og ayuda, dungan sa matag semana nga pagsaka sa presyo sa produktong petrolyo nga nakaapekto na sa ilang pangabuhi.
Dakong tabang alang sa mananagat ugaling dunggon ang ilang sitwasyon pinaagi sa paghatag og ayuda dungan sa pagmahal sa presyo sa produktong petrolyo. Samtang, alang sa mananagat nga si richie gulo apektado sila tungod kung dako ang starting sa ilang operator, kini ang makaltas sa ilang kita.
Sa bahin ni Konsehal Vandyke Congson, chairperson sa committee on fisheries sa Sangguniang Panlungsod (SP) iduso niya nga mapasar ang paghatag og fuel subsidy sa mga gagmay nga mananagat. Apan nakadepende sa budget o pondo nga naa ang lgu aron maka-sustain ugaling mohatag og fuel subsidy.
Sa pamahayag usab ni atty. franklin gacal jr., city administrator, sutoan usa nila kung dunay budget o savings alang niini ang lgu. “Tan –awon pa namo ang financial resources sa siyudad kay hangtud karon feel pa nato ang impact sa pandemic.”
Kahibaloan nga usa sa 29 ka resolusyon sa bag-ohay pa lang nahuman ang National Tuna Congress, mao ang paghangyo sa LGU nga hatagan og fuel subsidy ang mga gagmay nga mananagat. I Richel Gubalani
