CEBU CITY -Gipakatap sa kadalanan ang dul-an 200 ka polis nga nadestino sa mga opisina sa Police Regional Office (PRO 7) sa Camp Sergio Osmeña, sa dakbayan sa Sugbo alang sa dugang ilang police visibility patrol.
Ang 188 ka mga police personnel nga nadestino sa lain-laing opisina sa PRO-7 nga dunay administrative function gipa-augment sa police visibility sa kadalanan.
Matod ni Police Lieutenant Colonel Gerard Ace Pelare, spokesperson ni Police Brigadier General Anthony Aberin, hepe sa PRO 7, nga kabahin kini sa programa sa PNP aron mapugngan ang paghimo ug krimen sa kadalanan.
Giingong gusto ni Aberin nga ang tanang kadalanan sa siyudad sa Sugbo adunay makita nga pulis aron moubos pa ang crime volume.//