CAMARINES NORTE – Nagsagawa ng dalawang araw na Nationwide Tax Compliance Verification Drive (TCVD) ang Bureau of Internal Revenue (BIR) kamakailan.
Ayon kay Assistant Revenue District Officer Daisy De Leon nasa 187 na business establishment sa Camarines Norte ang inabot nito.
Layon umano ng ginawang tax mapping operation na i- educate ang taxpayers at tulungan sila upang hindi magkaroon ng mga paglabag.
Ani De Leon, wala umanong dapat ikabahala sa mga “noted violations”.
Ang focus ng ginawang tax mapping ay ang online sellers, unregistered business at ang mga bagong bukas na establishment at iba pa.
Pagkakataon din umano ang aktibidad upang iparamdam sa taxpayers na “friendly” ang BIR.
Positibo naman ang naging tugon ng local business community sa mga ginawang hakbang ng BIR sa pagpapalaganap ng tax compliance.
Patuloy namang hinihikayat ng RDO 64 ang business sector na mag comply sa tax regulations.
Pinaalalahanan din ng opisina ang mga ito hinggil sa kahalagahan ng pagpapanatili ng accurate na tax records para maiwasan ang penalidad.
