Umabot sa halos 100 tonelada ng basura ang nakolekta ng mga tauahan ng MMDA sa dalawang araw nilang paglilinis sa ilang bahagi ng Metro Manila.
Ito ay matapos ang malawakang pagbaha na dulot ng habagat at bagyong Carina.
Ayon kay MMDA General Manager Procopio Lipana, marami silang nahakot na basura hindi pa rito kasama ang mga nahakot na basura ng mga Local Government Unit.
Aminado naman ang opsiyal na malaking sagabal ang mga basurang bumara sa mga drainage system at pumping stations na makatutulong sana para maibsan ang pagbaha.
Patuloy naman ang paalala ng ahensiya na maging responsableng tagapangalaga ng kalikasan sa pamamagitan pagre-recycle ng basura na maaari pang mapakinabangan at tamang pagtatapon ng basura.
