Tiniyak ng Department of Agriculture (DA) ang pagtugon sa mga concerns sa sektor ng agrikultura kasunod ng pananalasa ng Bagyong Carina at habagat.
Ayon kay DA Assistant Secretary Arnel de Mesa, ang mga concerns ay maaaring tanggapin sa bawat regional field offices.
Sinabi rin ni De Mesa na pwedeng idirekta ng mga magsasaka sa DA regional offices at municipal agriculturists ang kanilang mga hinaing o problema.
Samantala nagpapatuloy naman ang 24/7 operasyon ng DA – Disaster Risk Reduction and Management (DRRM) upang mai-evaluate nang maayos ang epekto nang habagat at Bagyong Carina sa buong sektor.
Una nang sinabi ng DA na higit-kumulang 500,000 hanggang 600,000 MT production loss ang inaasahan kada taon dahil sa mga kalamidad.
