Suportado ng Teachers’ Dignity Coalition ang mungkahi ni Senador Sherwin Gatchalian na ipagbawal ang paggamit ng cellphone at gadget sa oras ng klase.
Sa panayam ng Brigada News FM Manila kay Teachers’ Dignity Coalition National Chair Benjo Basas, sinabi nitong totoong may distractions sa loob ng silid-aralan dahil sa cellphones.
Sa kabila aniya nito, mas pabor ang coalition na magkaroon lang striktong regulasyon at hindi total ban.
Mahalaga pa rin daw kasi ang cellphone sa mga kabataan, lalo na sa pag-aaral at emergency.
Nanindigan si Basas na case-to-case basis ang pagpapahintulot at pagbabawal ng cellphone sa mga mag-aaral.
