Ginlunsare ro groundbreaking ceremony it P875 milyong Cabano Small Reservoir Irrigation Project SRIP ku Miyerkules, Marso 23 sa Barangay Aguilar, San Lorenzo, Guimaras.
Kaeakip sa mga parte it proyekto it Cabano SRIP hay ro mga masunod:
* Konstruksyon it 29.87 meter dam nga may dike protection
* Reservoir nga may aktibong kapasidad nga kapin sa 3.69 MCM
* Pagpatindog it mga pasilidad it irigasyon ag drainage nga magserbe sa 861 ektaryang Riceland
* Paghimo it mga network it kaesada nga magata-o it madali nga pag-access para sa paghatod it mga produktong pang-agrikultura.
Base kay Gen. Ricardo R. Visaya, administrator it National Irrigation Administration (NIA), ro mga tuyo it Cabano Small Reservoir Irrigation Project hay pataason pa ro produksyon it agrikultura, maghimo it mga oportunidad sa trabaho, ag mapanami ro palibot ag pangabuhian it mga komunidad.
Dugang pa dikara, ro proyekto hay kaya nga mas mapaguwa ro bieog nga potensyal it Cabano River para sa irigasyon, aquaculture, mga pasilidad sa libangan, turismo, ag pagkontrol sa baha./JIL B. LACSON
