Pormal nga nakatapos ro 181 ka mga bag-ong suldado sa ginhiwat nga graduation ceremony sa Camp General Macario B Peralta Jr., sa Jamindan, Capiz, kahapon July 14, 2022.
Kada isaea kanda hay nakabaton it R4 Carbine-issued rifle bilang parte it tradisyon it militar.
Ro pagta-o it rifle hay nagasimbolo sa civilian authority it militar.
Ginpangunahan ro seremonya nanday Hon. Roberto Palomar, alkalde it Tapaz, Capiz, ag Major General Benedict M Arevalo, 3ID Commander.
Igapa-idaeom sa pito ka buean nga Basic Military Training ro mga bag-ong suldado para sa andang physical conditioning, psychological and emotional pressure, ag trial of camaraderie./JIL B. LACSON
