Posible na nga maexperience sang mga pumuluyo sang Roxas City ang mga serbisyo nga gina-offer sang Grab Services nga naga-operate sa masobra 175 ka syudad sa pungsod.
Sa pagkortesiya sang Regional Operation Head for Western Visayas sang Grab Philippines nga si Ms. Jo-an Yoshida sa gobyerno sang syudad, iya sini nga ginpresentar ang plano nga pag-expend sang Grab Services kasubong sang Grab food, Grab Delivery, Grab Car ukon Grab Trikes.
Katuyuan man sini ang paghatag sang dugang nga income sa mga negosyante kag drivers, pagpasanyog sang ekonomiya sang syudad kag digitalization, kag magahatag sang mahapos nga paglibot sang mga turista sa lugar.| Frances Joy Preciosa
