KALIBO, AKLAN—Nabakunahan eon si Aklan Governor Florencio Miraflores kaibahan do pilang alkalde sa probinsya it Aklan kontra sa COVID-19 sa ginpatigayon nga vaccination roll out sa ABL sports complex.
Mag-eowas kay Governor Miraflores, kaibahan sa mga nagbaton it andang 1st dose it Sinovac vaccine hay imaw sanday League of Municipalities of the Philippines (LMP) Aklan chapter president ag Ibajay Mayor Jose Enrique Miraflores, Numancia Mayor Jeserel Templonuevo, Mayor Gary Fuentes it Tangalan, Mayor Abencio Torres it Makato, Mayor Mary Lenette Fernandez it Lezo, Altavas Mayor Denny Refol Jr., Mayor Alfonso Gubatina it Madalag, Mayor Charito Navarrosa it Libacao, ag Mayor Rodel Ramos it Batan.
Dp mga alkalde man nga owa nakatambong sa inoculation hay nakataeana nga bakunahan sa vaccination roll out sa andang tagsa ka mga banwa.
Nasayuran nga do mga gobernador ag alkalde sa Pilipinas hay na-classify bilang mga frontliners at qualified agud mabakunahan base sa National IATF. // SHERRY ANNE REUNIR-VIDAL
