Nanawgaan si Cebu Governor Gwen Garcia sa tanang mga kapitan sa probinsya og kalinaw alang sa nagsingabot nga barangay og SK election sa buwan sa Oktobre.
Kini atol sa gihimong general assembly sa Liga ng mga Barangay sa Pilipinas – Cebu Chapter general assembly kagahapon sa nga gipahigayon sa IEC Convention Center sa Barangay Mabolo, diin kapin sa 1,000 ka mga kapitan ang mitambong gikan sa nagkadaiyang dapit sa Probinsya.
Gimanduan sa gobernador ang mga kapitan nga hisgutan lang ang kabahin sa ilang kalampusan og mga gustong buhaton sa barangay kung mangampanya aron malikayan nga magka-away sa uban pang mga mokandidato.
Samtang kung mapildi sa eleksyon, mihangyo si Garcia sa mga mapildi nga mo-concede dayon aron malikayan ang kagubot.
Nasayran nga gusto si Garcia nga mahimong model ang probinsya alang sa malinayon ug hapsay nga piniliay.
Nasayran nga sugdan na ang Certificates of candidacy filing sa umaabot Agosto 8 hangtud sa Septyembre 2 samtang ang election period himuon sa Oktubre 19 hangtod sa Oktubre 28.
