Nagpasalig si Governor Fredenil Castro nga magabulig ang gobyerno probinsyal sa mga Person Deprived of Liberty (PDL) nga yara sa sulod sang Capiz Rehabilitation Center (CRC).
Ini ang ginpahayag ni Jail Warden Arjuna Yngcong sang ma-interview sang Brigada News FM Roxas City.
Suno kay Yngcong, nagpromisa si Gov. Castro nga magapadala siya sang abogado sa mga PDL nga may mga kaso nga madugay na nga wala nagahulag agud mapadasig ang pag-aksyon.
Dugang pa sini, luyag sang gobernador nga mahatagan man sang aksyon ang ikaayong lawas sang mga preso nga nagasupreher sang balatian.
Naghibaluan nga sang nagligad nga bulan nagpatigayon man sang medical mission ang gobyerno probinsyal kaupod ang mga katapo sang hospitals sa CRC kun sa diin ginpanghatagan sang mga bulong ang mga PDL.
Ginpahayag man sini nga magadugang sang tinawo ang CRC bangud kulang ang ila nga manpower kag sa masunod nga tuig may yara pa sang ma-retire.
Nagpanugyan man si Yngcong sa mga himata sang PDLs nga kun mahimo magbisita man sa prisohan bangud madamo diri nga priso ang wala gid ginabisitahan kun sa diin nasubuan sila kag daw kaangay nadulaan na sang paglaom.
