Hindi babaguhin ng administrasyon ni Pangulong Rodrigo Duterte na ma-fully vaccinate ang 54-milyong Pilipino laban sa COVID-19 bago matapos ang taon.
Inihayag ito ni Health Undersecretary Myrna Cabotaje sa kabila ng pagkakaantala ng inokulasyon sa 639 na local government units dahil sa pananalasa ng Bagyong Odette.
Sinabi ni Cabotaje na magpapatuloy ang COVID-19 vaccination sa buong bansa hanggang December 23.
Magre-resume naman ito sa December 27 hanggang 30 upang maabot ng bansa ang target na 54-milyong fully vaccinated na Pilipino.
Ipinunto naman ni Cabotaje na mayroon 21-milyong katao ang nakatakdang tumanggap ng kanilang second dose.
