Gipasanginlan nga nanglugos, patay human giingung nangilog og armas sa pulis.

Patay na nga naabot sa District Hospital sa lungsod sa Argao ang usa ka 42 anyos nga amahan human matud pa misukol ug nangilog og armas sa pulis atol sa gihimong hot pursuit operation.

Matud ni PMAJ Janus Giangan hepe sa Argao Police nga ang insidente na hitabo pasado ala una sa hapon Hunyo 11, 2024 sa sud sa ilang Police Patrol Car sa National Highway, sa Barangay Bulasa, Argao, Sugbo.

Ang suspetsado nga namatay mao si Anthony Bautista, 42 anyos minyo nga taga Sityo Candabong, Brgy. Jampang Argao.

Matud ni Giangan nga mi sumbong kanila ang usa ka inahan nga ang iyang 12 anyos nga anak dalagita ang gilugos sa suspek sa maka upat nga higayon niadtong Hunyo 8, 2024 ug sa Hunyo 9 ,2024. Hunyo 10, na matikdan sa inahan nga nag bleeding ang kina tawo sa biktima ug didto na nila nahibaw-an ang nahitabo sa biktima.

Ang bata gi dala sa Bogo Argao District Hospital ug na suta nga may samad ang kina tawo sa biktima hinungdan nga nag porma dayon ang Argao police og team nga mihimo sa pagsikop sa suspetsado ug didto kini nadakpi sa Simala Sibonga kung diin kini nag-trabaho.

Pag padulong matud pa sa Police Station on board sa ilang patrol car, ang suspek ni reklamo nga sakit ang iyang kamot nga gi pusasan sa luyo niini hinungdan nga ilang gi badbaran sa posas kay ibalhin ang kamot sa atubangan ug didto matod pa naka higayon ug ilog sa armas sa police ang suspect.

Ang kabanay sa namatay dili pa makatuo sa nahitabo niini kay wala matud pay bisyo ug buotan nga pagkatawo ang namatay. Hustisya ang gipangayo karon sa kabanay sa namatay.//

Leave a Reply

Your email address will not be published. Required fields are marked *