4 SLP association sa Albay, nakaresibeng tabang pangkabuhayan

LEGAZPI CITY – Nagsagibo nin awarding of livelihood grant an Department of Social Welfare and Development (DSWD) Bicol sa paagi nin Sustainable Livelihood Program (SLP) sa tulong munisipyo sa Albay para sa apat na SLP Association.

Segun sa ahensya, inawardan kan DSWD SLP sinda Mayor Jorem Arcangel asin MSWDO Head Andrea Quirona nin livelihood grants asin an duwang SLP Association sa Jovellar: Rizal SLP Association na kumpwesto ki 10 miyembro na nakaresibe nin P150K asin an Florista SLP Association na may 15 miyembro na nakaresibe nin P225K kun saen an saindang mga proyekto an hog raising asin rice retailing.

Apwera pa kaini, natawan man nin onra sinda Vice Mayor Romel Galicia kan Rapu-Rapu, MSWDO Evalyn Bobier, asin mga opisyales kan Barangay Galicia sa pag-award nin P285K grant para sa kabuhayan kan Galicia Rice and Feeds SLP Association na may 19 miyembro.

Sa Camalig, inawardan man an P-7 Chicken Store SLPA nin P180K grant asin iba pa.

Matao ini sainda nin kakayahan na ipaotob an mga pigprepararan na proyekto para sa kabuhayan, pig-aalalayan an saindang mga livelihood project proposal, apwera pa kaini an saindang mga project proposal, pwedesir gamiton kan mga association an mga grant para sa pagpapatindog nin mga pasilidad o pagbakal nin gamit asin raw materials.

Leave a Reply

Your email address will not be published. Required fields are marked *