Personal nga nag agto sa BRIGADA NEWS FM KALIBO si Ginang Salvacion Ibalar it Brgy Bakhaw Norte, Kalibo, Aklan.
Raya hay para magpasaeamat sa tanan nga nagtao it bulig pinansyal kana agud makapagpa-opera imaw sa anang mga mata nga indi eon haeos makakita bangud sa cataract.
Matandaan nga nag agto ku nagtaliwan nga dominggo si Ginang Salvacion iya sa BRIGADA para makapag-panawagan it bulig ag owa man imaw napaseawan bangud maabo ro nagpaabot it bulig kaeakip eon si Kalibo Mayor Juris Sucro nga imaw ro nagbulig agud imaw hay makapagpa-opera.
Sa makarun hay nakakita eon si Ginang Salvacion ngani bumalik raya sa Brigada para magpaabot it anang hantop nga pagpasaeamat. // ANN DESLENE SALAZAR
