Daina E. Gerona
Dugu-on, ginsulod sa garapon, kag ginbilin sa kampo ang isa ka gin-alegar ‘fetus’ sa Hda. Clemintina, Brgy, Talubangi, syudad sang Kabankalan, tinalikdan nga adlaw.
Base sa ginpatigayun nga interbyu sang Brigada Kabankalan sa Deputy Chief of Police PCAPT. Joelan Vinson, sang Kabankalan City Component Police Station, nga isa lamang ini ka algudon nga puno sang dugo kag posible nga ginhaboy sa nasambit nga hacienda.
Ini pagkatapos nga gindesisyunan nga buksan kag husisa-on sa koordinasyon sang katapo sang opisyales sang Barangay, City Health Office kag katapo sang Kabankalan PNP.
Ginkabig man ini ni Barangay Captain Lucresia Dionesia nga isa lamang ka propaganda kag nagtuga lamang sang ka-alarma sa tanan, ilabina nga amo ini ang pinaka-una nga panghitabo sa iya nasakupan nga Barangay.
Madumduman nga sang tinalikdan nga sabado, ginabulubanta las 6:30 sang aga sang nagpalapit sa katapo sang Barangay ang isa sa mga obreros sa kampo nga si Jose Vicente agud sa pagpa-alinton nga sila ang may nasapwan nga isa ka garapon nga may unod sang dugu-on nga ginpatihan “Fetus”.
